തൃശൂരില് സ്വകാര്യ ബസും ജീപ്പും കൂട്ടിയിടിച്ചു; രണ്ടു പേര്ക്ക് ദാരുണാന്ത്യം, 5 പേര്ക്ക് പരിക്ക്
തൃശൂര്: തൃശൂരില് സ്വകാര്യ ബസില് ജീപ്പ് ഇടിച്ച് രണ്ടു പേര് മരിച്ചു. അഞ്ചു പേര്ക്ക് പരിക്കേറ്റു. ഇന്ന് മൂന്നു മണിയോടെ ചേര്പ്പ് മുത്തോള്ളിയാല് ഗ്ലോബല് സ്കൂളിന് സമീപമാണ് അപകടം നടന്നത്. അമിത വേഗത്തിൽ വന്ന ജീപ്പ് മറ്റൊരു വാഹനത്തെ മറികടക്കാൻ ശ്രമിക്കുന്നതിനിടെ അപകടത്തിൽ പെടുകയായിരുന്നുവെന്ന് നാട്ടുകാർ പറഞ്ഞു. രണ്ട് പേരാണ് ജീപ്പിൽ ഉണ്ടായിരുന്നത് .
ഇവരെ ഏറെ നേരത്തെ പ്രയത്നത്തിനൊടുവിൽ പുറത്ത് എടുത്ത് കൂർക്കഞ്ചേരിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവന് രക്ഷിക്കാനായില്ല. ജീപ്പിലുണ്ടായിരുന്ന ഒരു ഇതര സംസ്ഥാന തൊഴിലാളിയും മഞ്ഞപ്ര സ്വദേശി ബിജു ദേവസിയുമാണ് മരിച്ചത്. അപകടത്തില് ബസിലുണ്ടായിരുന്ന അഞ്ചു പേര്ക്കും പരിക്കേറ്റു. പരിക്കേറ്റ ഇവരെയും ആശുപത്രിയില് പ്രവേശിപ്പിച്ചു.
