ഉമ്മന് ചാണ്ടി അനുസ്മരണം സംഘടിപ്പിച്ചു
എടപ്പാൾ:മൃദുലമായ സമീപനവും എതിർ രാഷ്ട്രീയക്കാരോടുള്ള ശത്രുതയില്ലാത്ത നിലപാടുകളും ആണ് കേരള രാഷ്ട്രീയത്തിൽ ഉമ്മൻചാണ്ടിയെ വ്യത്യസ്തനാക്കിയത് എന്ന് വട്ടംകുളം ഗ്രാമപഞ്ചായത്ത് പ്രസിഡണ്ട് എം എ നജീബ് പറഞ്ഞു.ഉമ്മൻചാണ്ടിയുടെ ഒന്നാം ചരമവാർഷിക ദിനത്തിൽ ശുക പുരം താഴത്തങ്ങാടിയിൽ നടത്തിയ ഉമ്മൻചാണ്ടി സ്മൃതി സദസ്സ് ഉദ്ഘാടനം ചെയ്യുകയായിരുന്നു അദ്ദേഹം.ജനലക്ഷങ്ങളുടെ അംഗീകാരം നേടിയ ജനകീയനായ നേതാവിൻറെ ഓർമ്മകൾ എക്കാലത്തും മരണമില്ലാതെ നിലനിൽക്കുമെന്ന് എം എ നജീബ് ചൂണ്ടിക്കാട്ടി. ഹസ്സൻ ഫിറ്റ്വൽ അധ്യക്ഷനായിരുന്നു.ഷറഫുദ്ദീൻ കൊട്ടിലിൽ, ബാലൻ ശുക പൂരം, കെ പി അബ്ദുൽ ഗഫൂർ, കെ മുരളി, കെ മുഹമ്മദലി, പി നാരായണൻ, സി വി അലി തുടങ്ങിയവർ പ്രസംഗിച്ചു.ഉമ്മൻചാണ്ടിയുടെ ചിത്രത്തിൽ പുഷ്പാർച്ചനയും നടത്തി.
