യുപിയില് ചണ്ഡീഗഡ്-ദിബ്രുഗഡ് എക്സ്പ്രസ് പാളംതെറ്റി; നാല് മരണം, രക്ഷാപ്രവര്ത്തനം പുരോഗമിക്കുന്നു
ലഖ്നൗ: ഉത്തർപ്രദേശിലെ ഗോണ്ടയില് ട്രെയിൻ പാളംതെറ്റിയുണ്ടായ അപകടത്തില് നാല് മരണം. 25 പേർക്ക് പരിക്കേറ്റു. 15904 നമ്ബർ ചണ്ഡീഗഡ്-ദിബ്രുഗഡ് എക്സ്പ്രസ് ആണ് അപകടത്തില്പ്പെട്ടത്.
അസമിലെ ദിബ്രുഗഡിലേക്കുള്ള യാത്രയിലായിരുന്ന ട്രെയിൻ മോട്ടിഗഞ്ച്- ജിലാഹി സ്റ്റേഷനുകള്ക്കിടയില് പിക്കൗരയിലാണ് പാളംതെറ്റിയത്. രക്ഷാപ്രവർത്തനം പുരോഗമിക്കുകയാണ്. ബുധനാഴ്ച രാത്രി 11.35-നാണ് ചണ്ഡീഗഡില്നിന്നും ട്രെയില് പുറപ്പെട്ടത്.
നാല് എസി കോച്ചുകള് ഉള്പ്പടെ 12 കോച്ചുകള് അപകടത്തില്പ്പെട്ടെന്നാണ് വിവരം. 15 ആംബുലൻസും 40 അംഗ മെഡിക്കല് സംഘവും സ്ഥലത്തുണ്ട്. കൂടുതല് ആംബുലൻസുകള് അപകടസ്ഥലത്തേക്ക് തിരിച്ചിട്ടുണ്ട്. നിരവധി ട്രെയിനുകള് വഴിതിരിച്ചുവിട്ടു.
അധികൃതർ സ്ഥിതിഗതികള് നിരീക്ഷിച്ചുവരികയാണെന്ന് അസം മുഖ്യമന്ത്രി ഹിമന്ത ബിശ്വ ശർമ പറഞ്ഞു. ദുരുതാശ്വസ പ്രവർത്തനങ്ങള് വേഗത്തിലാക്കാൻ നിർദേശിച്ചാതായി ഉത്തർപ്രദേശ് മുഖ്യമന്ത്രിയുടെ ഓഫീസ് അറിയിച്ചു. സംസ്ഥാന ദുരന്തനിവാരണസേനയോട് എത്രയും വേഗം സ്ഥലത്ത് എത്താനും യുപി സർക്കാർ നിർദേശിച്ചു.
