“പ്രതീക്ഷ” ഗുരുവായൂരിൽ സൗജന്യ തുണി ചവിട്ടി നിർമ്മാണ പരിശീലനവും സർട്ടിഫിക്കറ്റ് വിതരണവും
ഗുരുവായൂർ:നഗരസഭ ജനകീയാസൂത്രണം 2023-24 “പ്രതീക്ഷ”സൗജന്യ തുണി ചവിട്ടി നിർമ്മാണ പരിശീലന സമാപനവും സർട്ടിഫിക്കറ്റ് വിതരണവും ഗുരുവായൂർ നഗരസഭ ചെയർമാൻ എം. കൃഷ്ണദാസ് ഉദ്ഘാടനം ചെയ്തു. വൈസ് ചെയർപേഴ്സൺ അനീഷ്മ ഷനോജ് അധ്യക്ഷത വഹിച്ചു.
ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷൈലജ സുധൻ,സി.ഡി.എസ് ചെയർപേഴ്സൺ മോളി ജോയ്, ഐ എം ഒ എസ് ചെയർമാൻ വിദ്യാധരൻ, പരിശീലനം നൽകിയ രേഖ ടീച്ചർ എന്നിവർ ആശംസകൾ അർപ്പിച്ചു സംസാരിച്ചു. ക്ഷേമകാര്യ സ്റ്റാൻഡിങ് കമ്മിറ്റി സി.ഡി.എസ്.ചെയർപേഴ്സൺ അമ്പിളി ഉണ്ണികൃഷ്ണൻ സ്വാഗതവും വി.എസ് ദീപ നന്ദിയും പറഞ്ഞു.ഏഴു ദിവസം നീണ്ടു നിന്ന പരിശീലനത്തിൽ 15 പേർ പങ്കെടുത്തു.
