കൊച്ചി | കാട്ടാനയുടെ ആക്രമണത്തില് സ്ത്രീ കൊല്ലപ്പെട്ടതില് പ്രതിഷേധിച്ചതിന് അറസ്റ്റിലായ മാത്യു കുഴല്നാടന് എംഎല്എയുടേയും, എറണാകുളം ഡിസിസി പ്രസിഡന്റ് മുഹമ്മദ് ഷിയാസിന്റേയും ഇടക്കാല ജാമ്യം തുടരും. ഇന്നലെ രാത്രി അറസ്റ്റ് ചെയ്ത കോണ്ഗ്രസ് നേതാക്കളുടെ ജാമ്യാപേക്ഷയില് കോടതി നാളെ വിധി പറയും. ഇടക്കാല ജാമ്യം നാളെ വരെ തുടരും. കസ്റ്റഡി അപേക്ഷയിലും ജാമ്യാപേക്ഷയിലും കോടതി നാളെ ഉത്തരവ് പറയും.
കോതമംഗലം ജുഡീഷ്യല് ഒന്നാംക്ലാസ് മജിസ്ട്രേറ്റ് കോടതിയാണ് ഇന്ന് വാദം കേട്ടത്. ജുഡീഷ്യല് കസ്റ്റഡി ആവശ്യമില്ലെന്ന് കോണ്ഗ്രസ് നേതാക്കളുടെ അഭിഭാഷകന് വാദിച്ചു. ജീവനും സ്വത്തിനും ഭീഷണി ആയപ്പോള് ഉണ്ടായ പ്രതിഷേധം മാത്രമാണ് നടന്നതെന്നും കോണ്ഗ്രസ് നേതാക്കളുടെ അഭിഭാഷകന് വാദിച്ചു.
