റായ്ബറേലിയില് രാഹുല് ഗാന്ധി സ്ഥാനാര്ഥി
ന്യൂഡല്ഹി | ലോക്സഭാ തിരഞ്ഞെടുപ്പില് ഉത്തര്പ്രദേശിലെ റായ്ബറേലിയില് രാഹുല് ഗാന്ധിയെ സ്ഥാനാര്ഥിയായി പ്രഖ്യാപിച്ച് കോണ്ഗ്രസ്. ഔദ്യോഗിക പ്രഖ്യാപനം അല്പ സമയത്തിനകം ഉണ്ടാകും.2019-ലേതിന് സമാനമായി രാഹുല് ഇത്തവണയും രണ്ട് മണ്ഡലങ്ങളില് മത്സരിക്കാന് പോകുകയാണ്.കോണ്ഗ്രസ് നേതാവും അമ്മയുമായ സോണിയാ ഗാന്ധിയുടെ സിറ്റിങ് മണ്ഡലമാണ് റായ്ബറേലി. ഇത്തവണ മത്സരത്തിന് ഇല്ലെന്ന് കോണ്ഗ്രസ് നേതാവ് പ്രിയങ്കാ ഗാന്ധി അറിയിച്ചതായി പാര്ട്ടി വൃത്തങ്ങള് അറിയിച്ചു.
അമേഠിയില് കിശോരിലാല് ശര്മയാണ് കോണ്ഗ്രസ് സ്ഥാനാര്ഥി.
സ്ഥാനാര്ത്ഥിത്വത്തില് കോണ്ഗ്രസ് അധ്യക്ഷന് മല്ലികാര്ജുന് ഖര്ഗെ രാഹുല് ഗാന്ധിയുമായി ചര്ച്ച നടത്തിയിരുന്നു. അഞ്ചാം ഘട്ടമായ മേയ് 20നാണ് രണ്ട് സീറ്റുകളിലേക്കും വോട്ടെടുപ്പ്.
ഗാന്ധി കുടുംബത്തിലെ ഒരാളെ സ്ഥാനാര്ഥിയാക്കണമെന്ന് ആവശ്യപ്പെട്ട് കോണ്ഗ്രസ് പ്രവര്ത്തകര് അമേഠിയില് പ്രതിഷേധം നടത്തിയിരുന്നു. ബാക്കിയുള്ള അഞ്ച് ഘട്ടങ്ങളിലായി 353 സീറ്റുകളിലേക്കാണ് വോട്ടെടുപ്പ്. ഇതില് 330 സീറ്റുകളില് കോണ്ഗ്രസ് മത്സരിക്കുന്നുണ്ട്.
