കള്ളക്കടല് ; കേരള തീരത്തും, തെക്കന് തമിഴ്നാട് തീരത്തും റെഡ് അലര്ട്ട് പ്രഖ്യാപിച്ചു
തിരുവനന്തപുരം| കള്ളക്കടല് പ്രതിഭാസത്തിന്റെ ഭാഗമായി കേരള തീരത്തും, തെക്കന് തമിഴ്നാട് തീരത്തും ദേശീയ സമുദ്രസ്ഥിതി പഠന കേന്ദ്രം റെഡ് അലര്ട്ട് പ്രഖ്യാപിച്ചു.
നാളെ രാവിലെ 05.30 മുതല് ഞായറാഴ്ച രാത്രി 11.30 വരെ അതി തീവ്ര തിരമാലകള്ക്കും ശക്തിയേറിയ കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു
മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം.കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണമെന്നും ജാഗ്രത നിര്ദേശത്തിലുണ്ട്.
ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കാനും
ഇന്ന് രാത്രി 10 മണി മുതല് എല്ലാ ബീച്ചുകളില് നിന്നും ആളുകളെ ഒഴിപ്പിക്കാനും സമുദ്രസ്ഥിതിപഠന ഗവേഷണ കേന്ദ്രം നിര്ദേശം നല്കി.
