അനധികൃത മദ്യ വില്പന; കാണിപ്പയ്യൂർ സ്വദേശി എക്സൈസിന്റെ പിടിയിൽ.
കുന്നംകുളം: അനധികൃത മദ്യ വില്പന നടത്തിയ കാണിപ്പയ്യൂർ സ്വദേശിയെ എക്സൈസ് സ്പെഷ്യൽ സ്ക്വാഡ് അറസ്റ്റ് ചെയ്തു. കാണിപ്പയ്യൂർ സ്വദേശി കണ്ടിരുത്തി വീട്ടിൽ 40 വയസ്സുള്ള ഹരീഷിനെയാണ് സ്പെഷ്യൽ സ്ക്വാഡ് എക്സൈസ് ഇൻസ്പെക്ടർ സുദർശന കുമാറും സംഘവും ചേർന്ന് അറസ്റ്റ് ചെയ്തത്. പരിശോധനയിൽ ഇയാളിൽ നിന്ന് പത്തര ലിറ്റർ ഇന്ത്യൻ നിർമ്മിത വിദേശമദ്യം എക്സൈസ് സംഘം പിടികൂടി. പ്രതി മേഖലയിൽ അനധികൃത മദ്യ വില്പന നടത്തുന്നുണ്ടെന്ന് എക്സൈസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് പ്രതി പിടിയിലായത്. വൈദ്യ പരിശോധനയ്ക്ക് ശേഷം കുന്നംകുളം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയൽ ഹാജരാക്കിയ പ്രതിയെ റിമാൻഡ് ചെയ്തു. അസിസ്റ്റൻറ് എക്സൈസ് ഇൻസ്പെക്ടർ കെ കെ വത്സൻ, പ്രവൻ്റീവ് ഓഫീസർമാരായ വിഎസ് സുരേഷ് കുമാർ, സി കെ ബാബു സിവിൽ എക്സൈസ് ഓഫീസർമാരായ റിജോ, തൗഫീഖ്, സംഗീത് എന്നിവരടങ്ങിയ സംഘമാണ് പ്രതിയെ പിടികൂടിയത്.
