പഴഞ്ഞി മുലേപ്പാട് പള്ളിപ്പെരുന്നാളിനിടെ ആനപ്പാപ്പന്മാരുടെ ആക്രമണത്തിൽ യുവാവിനെ പരിക്ക്.
പഴഞ്ഞി: മുലേപ്പാട് പള്ളി പെരുന്നാളിനിടെ ആന പാപ്പാന്മാരുടെ മർദ്ദനത്തിൽ യുവാവിന് പരിക്ക്.പെങ്ങാമുക്ക് സ്വദേശി രായിമരക്കാർ വീട്ടിൽ 44 വയസ്സുള്ള ഷബീറിനാണ് പരിക്കേറ്റത്. ചെറുപ്പളശ്ശേരി അനന്തപത്മനാഭൻ എന്ന ആനയുടെ പാപ്പാന്മാരാണ് യുവാവിനെ മർദ്ദിച്ചത്.ഇന്ന് പുലർച്ചെ രണ്ടരയോടെയാണ് സംഭവം. ഷബീറിന്റെ അനിയൻറെ 12 വയസ്സുള്ള മകനെ ആനപ്പുറത്ത് കേറ്റുന്നതുമായി ബന്ധപ്പെട്ട തർക്കത്തിനിടെയാണ് ഷബീറിന് മർദ്ദനമേറ്റത്. മർദ്ദനമേറ്റ യുവാവിനെ കുന്നംകുളം മലങ്കര ആശുപത്രിയിൽ പ്രവേശിപ്പിച്ചു. മർദ്ദനത്തിൽ തലക്കേറ്റ മുറിവിൽ അഞ്ചോളം തുന്നലുകൾ ഉണ്ട്. ആനയുടെ തോട്ടി കൊണ്ടുള്ള മർദ്ദനത്തിലാണ് യുവാവിനെ തലക്ക് പരിക്കേറ്റത്. സംഭവത്തിൽ പ്രതികൾക്കായി കുന്നംകുളം പോലീസ് അന്വേഷണം ആരംഭിച്ചു.
