പാലക്കാട് കോഴിക്കോട് ജില്ലകളില് ഇന്ന് യെല്ലോ അലര്ട്ട്
തിരുവനന്തപുരം | പാലക്കാട് കോഴിക്കോട് ജില്ലകളില് ഇന്ന് യെല്ലോ അലര്ട്ട്. ഇരു ജില്ലകളിലും ഉഷ്ണതരംഗത്തിന് സാധ്യതയുള്ളതിനാലാണ് കേന്ദ്ര കാലാവസ്ഥവകുപ്പ് യെല്ലോ അലര്ട്ട് പ്രഖ്യാപിച്ചത്. ആലപ്പുഴ, കോഴിക്കോട് ജില്ലകളിലെ ചില പ്രദേശങ്ങളില് വെള്ളിയാഴ്ച രാത്രി ഉയര്ന്ന താപനിലക്കും സാധ്യതയുണ്ട്.
മെയ് മൂന്നു മുതല് ഏഴു വരെ പാലക്കാട് ജില്ലയില് ഉയര്ന്ന താപനില 40 ഡിഗ്രി സെല്ഷ്യസ് വരെയും കോഴിക്കോട്, കൊല്ലം ജില്ലകളില് ഉയര്ന്ന താപനില 39 ഡിഗ്രി സെല്ഷ്യസ് വരെയും ഉയരുമെന്നാണ് കാലാവസ്ഥ വകുപ്പിന്റെ പ്രവചനം.
ഇടുക്കി, വയനാട് ഒഴികെയുള്ള ജില്ലകളില് സാധാരണയെക്കാള് മൂന്നു മുതല് അഞ്ചുവരെ ഡിഗ്രി അധിക താപനിലയാണ് രേഖപ്പെടുത്തുന്നത്.
