ഐ.എൻ.ടി.യു.സി. സ്ഥാപകദിനാചരണം
തൃശ്ശൂർ : സർക്കാർ അനുകൂല തൊഴിലാളിസംഘടനകൾ തൊഴിൽമേഖലയെ തകർക്കാൻ കൂട്ടുനിൽക്കുന്നതായി ഐ.എൻ.ടി.യു.സി. ജില്ലാ പ്രസിഡന്റ് സുന്ദരൻ കുന്നത്തുള്ളി. തൊഴിലാളികളുടെ ആനുകൂല്യങ്ങൾ കവർന്നെടുക്കുന്ന നടപടിക്കെതിരേ യോജിച്ച പ്രക്ഷോഭത്തിന് ഐ.എൻ.ടി.യു.സി. മുൻകൈയെടുക്കുമെന്നും അദ്ദേഹം കൂട്ടിച്ചേർത്തു. ഐ.എൻ.ടി.യു.സി. സ്ഥാപകദിനം ഉദ്ഘാടനം ചെയ്യുകയായിരുന്നു അദ്ദേഹം.
ചടങ്ങിൽ സംസ്ഥാന നിർവാഹകസമിതിയംഗം ആന്റണി കുറ്റൂക്കാരൻ, ടി.എം. കൃഷ്ണൻ, ജില്ലാ ഭാരവാഹികളായ വി.എ. ഷംസുദ്ദീൻ, കെ.എൻ. നാരായണൻ, എ.ടി. ജോസ്, ജോൺസൻ ആവോക്കാരൻ, പി.ജി. സെബാസ്റ്റ്യൻ, എം.ആർ. രവീന്ദ്രൻ തുടങ്ങിയവർ പങ്കെടുത്തു.
