ട്വന്റിഫോർ ന്യൂസ് തൃശൂർ ബ്യൂറോ ചീഫ് സൂരജ് സജി ട്വന്റിഫോർ ന്യൂസ് വിട്ടു; ഇനി ബിഗ് ടി.വിയിൽ
തൃശൂർ: പ്രമുഖ ദൃശ്യമാധ്യമ പ്രവർത്തകനും ട്വന്റിഫോർ ന്യൂസ് തൃശൂർ ബ്യൂറോ ചീഫുമായ സൂരജ് സജി ചാനലിൽ നിന്നും പടിയിറങ്ങി. കഴിഞ്ഞ അഞ്ചു വർഷമായി ട്വന്റിഫോർ ന്യൂസിന്റെ മുൻനിര റിപ്പോർട്ടർമാരിൽ ഒരാളായിരുന്ന അദ്ദേഹം ഇനി ബിഗ് ടി.വി ന്യൂസ് സംഘത്തോടൊപ്പം ചേരും. പത്ത് വർഷത്തോളമായി മാധ്യമരംഗത്ത് സജീവമായ സൂരജ് സജി, രാഷ്ട്രീയ-സാമൂഹിക വിഷയങ്ങളിലെ വേഗതയേറിയതും വസ്തുതാപരവുമായ റിപ്പോർട്ടിംഗിലൂടെയാണ് ശ്രദ്ധേയനായത്. സങ്കീർണ്ണമായ വിഷയങ്ങളിലെ തത്സമയ കവറേജുകളിലും തനതായ അവതരണ ശൈലിയിലൂടെ അദ്ദേഹം പ്രേക്ഷകശ്രദ്ധ നേടിയിരുന്നു.
ട്വന്റിഫോർ ന്യൂസിന്റെ വളർച്ചയിൽ നിർണ്ണായക പങ്കുവഹിച്ച പ്രധാന വാർത്താ സംഘത്തിലെ സ്ഥിരസാന്നിധ്യമായിരുന്നു അദ്ദേഹം.
